شعارنا الجودة و التميز
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 رباعيات

اذهب الى الأسفل 
كاتب الموضوعرسالة
nosakotb



عدد المساهمات : 47
تاريخ التسجيل : 10/04/2009

مُساهمةموضوع: رباعيات   الإثنين 13 أبريل - 18:00

من رباعيات صلاح جاهين
يأسك و صبرك بين إيديك و انت حر



تيأس ما تيأس الحياه راح تــــــــمر



أنا دقت مندا ومندا عجبي لقيــــــت



الصبر مر و برضك اليـأس مـــــــر



عجبي !!


لا تجبر الانسان و لا تخـــــــــيره



يكفيه ما فيه من عقل بيحيــــــره



اللي النهارده بيطلبه و يشتهــــيه



هو اللي بكره ح يشتهي يغيـــــره



عجبي!!!!!!!!!!!

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!!

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !!

و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فريد ريفي



عدد المساهمات : 47
تاريخ التسجيل : 25/02/2009

مُساهمةموضوع: رد: رباعيات   الإثنين 13 أبريل - 18:04

رائع
flower flower flower flower
flower flower flower
flower flower
flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nosakotb



عدد المساهمات : 47
تاريخ التسجيل : 10/04/2009

مُساهمةموضوع: رد: رباعيات   الأربعاء 15 أبريل - 23:05

عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!



يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nosakotb



عدد المساهمات : 47
تاريخ التسجيل : 10/04/2009

مُساهمةموضوع: رد: رباعيات   الخميس 30 أبريل - 17:02

انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي

يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رباعيات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة السلام للتعليم الاساسي :: مواهب أدبية-
انتقل الى: